健康。金不換麥皮蘑菇汁拌蝴蝶長通粉
以往我煮開的金不換醬炒意粉都係無汁包住麵身的！今次想食個濕濕地的意粉，起初我打算用罐頭忌廉湯做汁，後尾又想改用正中的麵糊開汁，到最後想到不如用麥皮開一個汁咪更加健康有益
再加埋我常用的金不換醬，一試之後！嘩！好好味道個蘑菇醬汁直情可以去打低KFC個蘑菇飯！而且高纖有益，惹味開胃！
材料：4入份量
1。蘑菇兩盒，切片備用
2。長通及蝴蝶粉各半包
金不換醬
1。金不換一包，扎葉，洗淨，切碎！
2。蒜頭5粒，切細粒！
3。Olive Oil，2 1/2湯匙
調味料：適量鹽(1 1/2)，黑胡椒碎! 咸少少適合多通粉使用！
@將所有材料放入容器，用手提攪拌機壓打成蓉！打好要試味道，決定通粉的味道
麥皮蘑菇汁
1。麥皮，1 1/2湯匙
2。雞湯，1 1/2碗
3。炒起的蘑菇，2湯匙
4。鮮奶，兩湯匙
@將所有材料用手提攪拌機打成汁，然後慢火煮滾，再加入炒軟的蘑菇同煮至收乾一點及杰身即可！
做法：
將通粉汆水，瀝乾，落油鑊快炒匀及倒入煮好的蘑菇汁，與及一至兩湯匙金不換醬，炒匀即可上碟！
Search